आइतबार, साउन १० २०७८
काठमाडौं १४:३५
वासिङटन डिसी 04:50

राष्ट्रिय सहमतिको सरकार आवश्यक: गच्छदार

इनेप्लिज २०७२ जेठ २ गते १०:४० मा प्रकाशित

bijaya-gachhedar_295पथरी (मोरङ), २ जेठ । भूकम्पको विपत्तिमा परेका पीडितलाई राहत दिन राष्ट्रिय सहमतिको सरकार आवश्यक रहेको मधेसी जनअधिकार फोरम (लोकतान्त्रिक)का अध्यक्ष विजयकुमार गच्छदारले बताउनुभएको छ ।

आज विराटनगर विमानस्थलमा सञ्चारकर्मीहरुसँग सङ्क्षिप्त प्रतिक्रिया दिँदै अध्यक्ष गच्छदारले अगामी १० दिनभित्र राष्ट्रिय सहमतिको सरकार बन्ने बताउनुभयो । सहमतिको सरकार बनाउँदा अन्य दलले भन्दा पनि काँग्रेस या एमालेले सरकारको नेतृत्व गर्नुपर्ने गच्छदारको भनाइ छ ।

गच्छदारले अब बन्ने सहमतिको सरकारले यो विपद् परेको नागरिकलाई राहतसँगै दुई महिनाभित्र छिटो माध्यमबाट संविधान जारी गर्नेमा समेत जोड दिने बताउनुभयो ।

उहाँले दलहरुबीच सहमतिमा सरकार बनाई भूकम्पपछिको अवस्थामा उद्धार, राहत र पुनःनिर्माणलाई प्राथमिकतामा राखेर काम गर्ने बताउनुभयो । विपत्तिका बेलामा सरकार पछिल्लो सक्रियता सकारात्मक रहेको उहाँले बताउनुभयो ।

प्रतिक्रिया