बिहीबार, साउन १४ २०७८
काठमाडौं ०२:१८
वासिङटन डिसी 16:33

क्षतिग्रस्त सञ्चार गृहले क्षतिपूर्ति पाउनुपर्छ: उपाध्यक्ष भण्डारी

इनेप्लिज २०७२ जेठ १ गते १४:२१ मा प्रकाशित

bidhyaकाठमाडौँ, १ जेठ । नेकपा (एमाले)का उपाध्यक्ष विद्यादेवी भण्डारीले भूकम्पबाट क्षतिग्रस्त सञ्चारमाध्यमलाई क्षतिपूर्ति दिने विषयमा सरकारसँग छलफल गरिने बताउनुभएको छ ।

डिल्लीबजारस्थित ‘मेरो एफएम ९३ दशमलब ५’को क्षतिग्रस्त कार्यालयको आज अवलोकनपछि उपाध्यक्ष भण्डारीले जनताको सूचना सम्प्रेषणका लागि कार्यरत सञ्चारमाध्यममा भएका क्षतिको यकिन विवरण आएपछि सरकारबाट हुन सक्ने सहुलियत र क्षतिपूर्तिका लागि पार्टीले थप पहल गर्ने उल्लेख गर्नु भयो ।

सो एफएमका कार्यक्रम संयोजक हरिबल्लभ नेपालका अनुसार गत मङ्गलबार आएको पछिल्लो पराकम्पनका कारण सो संस्थामा थप क्षति हुन गई हाल भुइँतलाबाट आंशिक प्रसारण भइरहेको छ । सो एफएमको ट्रान्समिटरलगायत भौतिक साधनमा क्षति पुगेको छ ।

मदन भण्डारी मेमोरियल कलेजको मातहतमा रहेको सो एफएममा यसअघि एमालेका नेता माधवकुमार नेपाल, प्रचार विभागका प्रमुख योगेश भट्टराई, प्रेस चौतारी नेपालका अध्यक्ष राजेन्द्र अर्याललगायतले स्थिति बुझ्न भ्रमण गरिसक्नुभएको छ ।

प्रतिक्रिया