शुक्रबार, साउन ८ २०७८
काठमाडौं २२:४१
वासिङटन डिसी 12:56

होटलमा मारिने १४ पुगे, सातजना विदेशी

इनेप्लिज २०७२ वैशाख ३१ गते १४:५० मा प्रकाशित

create_thumb.phpकाबुल, ३१ वैशाख । अफगानस्तिानको राजधानीमा रहेको एक होटलमा बुधबार राति भएको आक्रमणमा परी मारिने व्यक्तिको सङ्ख्या १४ पुगेको समाचार छ ।

सो आक्रमणमा विदेशी नागरिकहरू पनि परेका छन् । अफगान सरकारले दिएको जानकारीअनुसार त्यहाँ मारिनेमा भारतीय र अमेरिकी नागरिक पनि परेका छन् ।

प्राप्त पछिल्लो समाचारअनुसार मारिनेमा चारजना भारतीय, एक अमेरिकी, एक इटालियन र अर्का एकजना बेलायती नागरिक रहेको बताइएको छ ।

राजधानी काबुलको कोलोला पुस्ता क्षेत्रमा अवस्थित पार्क प्यालेस गेस्ट हाउसमा बुधबार राति ८ः३० बजे हतियारधारीहरूले आक्रमण गरेको जनाइएको छ ।

सो आक्रमणपछि प्रहरी र ती आक्रमणकारीबीच सात घन्टासम्म शृङ्खलाबद्ध रूपमा दोहोरो गोली हानाहान चलेको थियो ।

सो आक्रमणको अफगानिस्तानमा रहेको सशस्त्र आतङ्ककारी समूहले जिम्मा लिएको छ ।

प्रतिक्रिया