शनिबार, साउन ९ २०७८
काठमाडौं १८:४९
वासिङटन डिसी 09:04

आज छ दशमलव आठ रिक्टर स्केलको भूकम्प

इनेप्लिज २०७२ वैशाख २९ गते १५:०१ मा प्रकाशित

काठमाडौँ, २९ वैशाख । आज मध्याह्न १२ बजेर ५० मिनेट जाँदा सिन्धुपाल्चोक र दोलखाको सिमानालाई केन्द्रबिन्दु बनाएर ६.८ रिक्टर स्केलको भूकम्प गएको छ ।

राष्ट्रिय भूकम्प मापन केन्द्रका अनुसार आजै अपराह्न १ बजेर २१ मिनेटमा पनि दोलखालाई केन्द्रबिन्दु बनाएर ६.२ रिक्टर स्केलको अर्को कम्पन भएको छ ।

त्यसैगरी, १ बजेर ५८ मिनेट जाँदा सिन्धुपाल्चोक केन्द्रबिन्दु भएर ५.३ रिक्टर स्केलको अर्को कम्पन भएको छ ।

भूकम्पबाट भएको क्षतिको विवरण प्राप्त भइसकेको छैन । कम्पनबाट त्रसित भएका सर्वसाधारणको टुडिँखेललगायत खुलास्थानमा भीड लागेको छ ।

रेडक्रसजस्ता समाजसेवी संस्थाले सर्वसाधारणलाई धर्य रहन र नआत्तिन आग्रह गर्दै माइकिङ गरिरहेका छन् । भैँचालोबाट घाइते भएकालाई राजधानीका अस्पतालमा ल्याउनेक्रम जारी छ । रासस

प्रतिक्रिया