मुस्ताङमा पाँच गाविसमा गाउँमै पुगेर राहत वितरण
मुस्ताङ, २१ वैशाख । जिल्ला प्रशासन कार्यालय मुस्ताङले जिल्लाका पाँच गाविसका भूकम्पपीडितलाई राहत वितरण गरेको छ ।
वैशाख १२ गतेको विनाशकारी भूकम्पका कारण क्षति भएका ७४ परिवारलाई क्षतिको आधारमा गाउँमा पुगेर राहत वितरण गरिएको हो । प्रारम्भिक रुपमा आएको जानकारीका आधारमा लेते, कोबाङ, कुञ्जो, जोमसोम र टुकुचे गाविसका भूकम्प पीडितलाई राहत वितरण गरिएको प्रमुख जिल्ला अधिकारी नरहरि बरालले जानकारी दिनुभयो ।
भूकम्पले पूर्ण क्षति १६ परिवार र आंशिक क्षतिका ५८ परिवारलाई राहत वितरण गरिएको उहाँको भनाई छ ।
“घर पूर्णक्षति भएका परिवारलाई रु सात हजार र आंशिक क्षति भएकालाई रु तीन हजारका दरले राहत वितरण गरिएको हो, उहाँले भन्नुभयो, “अन्य गाविसमा पनि छिट्टै जानेछौँ ।” भूकम्प पीडितलाई मुस्ताङ उद्योग वाणिज्य सङ्घ र नेपाल रेडक्रस उपशाखाले थप रु १५÷१५ सय उपलब्ध गराइएको जिल्ला प्रशासन कार्यालयले जनाएको छ ।
जिल्लामा मानवीय क्षति नभए पनि भूकम्पका कारण करोडौँ रुपैयाँका ऐतिहासिक सम्पदा, मठमन्दिर र घर भवनमा क्षति पुगेको बताइएको छ । पछिल्लो तथ्याङ्क अनुसार जिल्लाका ३१२ वटा घर र भवनमा क्षति पुगेको छ ।
न्युयोर्कमा मनाईयो गिरीजावावुको९९ औं जन्मजयन्ती
रश्मी श्रेष्ठ बनिन क्विन्स केटिएम लायन्स क्लबको अध्यक्ष
अमेरिकी न्याय विभागद्वारा एरिजोनालाई मतदान गर्न नागरिकताको प्रमाण चाहिने नयाँ निर्वाचन कानून बिरुद्ध मुद्दा दायर
तीन हजार नेपालीहरुको सहभागिता रहेको ऐतिहासिक एएनए सम्मेलन सम्पन्न
अमेरिकाका लागी पूर्ब राजदूत डा० अर्जुन कार्की न्युयोर्कमा
प्रतिक्रिया