यहाँ आज आयोजित पत्रकार सम्मेलनमा पार्टीका तर्फबाट ८० ट्रक राहत सामग्री भूकम्पपीडितलाई बाँडिएको जानकारी दिइयो । यसैगरी उत्तर प्रदेशका मुख्यमन्त्री अखिलेश यादवले पठाएका उद्धार टोलीले अप्ठ्यारामा परेकालाई उद्धार गरेको छ । पार्टीका राष्ट्रिय सचिव उदयवीर सिंहको नेतृत्वमा आएको ३२ सदस्यीय टोलीले भूकम्प प्रभावित क्षेत्र नुवाकोट, धादिङ र गोरखाको भ्रमण गरी उद्धार तथा राहत वितरण गरेको थियो ।

पार्टीको विद्यार्थी फाँटका अध्यक्ष सुनिल यादवले नेपाली जनतालाई आपत्का बेला सहयोग गर्नु भारतको कर्तव्य हो भन्नुभयो । नेपाल भारत मिलत काउन्सिलका अध्यक्ष समिन अन्सारीले नेपाल भारत मित्रताको फलस्वरुप नै नेपालमा परेको पीडामा मलम लगाउन भारत अग्रसर भएको बताउनुभयो ।