बेनी नगरपालिका–१३ डढुवा निवासी प्रेमबहादुर बानियाँले जिल्ला दैवी प्रकोप उद्धार समितिको कोषमा रु २२ हजार १०१ सहयोग प्रदान गर्नुभएको हो ।

जिविस म्याग्दीअन्तर्गतको स्थानीय विकास कोषमा कार्यरत बानियाँ वैशाख १२ गते काम विशेषले गोर्खाको बारपाक भन्ने ठाउँमा पुग्नुभएको र सोही समयमा भूकम्प आउँदा त्यहाँ देखिएको बीभत्स दृश्यका साथै त्यस्तो आपत्कालीन अवस्थामा पनि त्यहाँका बासिन्दाले आफूप्रति दर्शाएको सद्भावबाट अभिपे्ररित भई भूकम्पपीडितका लागि एक महिनाको तलबबराबरको रकम राहतस्वरुप प्रदान गरेको बताउनुभयो ।