शुक्रबार, मंसिर १९ २०७७
काठमाडौं १०:२१
वासिङटन डिसी 23:36

उद्धारका लागि १५ टोली परिचालन

इनेप्लिज २०७२ वैशाख १५ गते ३:४१ मा प्रकाशित

फलेवास (पर्वत) १५ वैशाख । भूकम्पका कारण भौतिक संरचना क्षति भएका कारण उद्धारका लागि जिल्लाबाट १५ वटा सुरक्षा निकायको टोली परिचालन गर्ने निर्णय भएको छ ।

जिल्ला विपत् व्यवस्थापन समितिको बैठकले गाउँमा उद्धारका लागि सुरक्षा निकायको १५ टोली परिचालन गर्ने निर्णय गरेको हो ।

गाउँगाउँमा ठूलो सङ्ख्यामा भौतिक संरचना ध्वस्त भएपनि उद्धार हुन नसकेको गुनासो आएपछि संयुक्त सुरक्षा फौजले आज बिहानदेखि नै उद्धारको काम सुरु गर्नेछ ।

उद्धारमा नेपाली सेना, सशस्त्र प्रहरी र नेपाल प्रहरीको २५० जनाको टोली परिचालन हुने प्रमुख जिल्ला अधिकारी ऋषिराम तिवारीले जानकारी दिनुभयो ।

भूकम्पका कारण झन्डै दुई हजार ५ सय घरमा क्षति भएको छ । जिल्ला प्रहरी कार्यालय पर्वतका अनुसार ५७७ घर पूर्ण रुपमा क्षतिग्रस्त भएको छ भने ९३६ घरमा आंशिक क्षति भएको छ ।

प्रतिक्रिया