यसरी कारबाहीमा पर्नेमा आधा दर्जनभन्दा बढी सरकारी कार्यालय र अन्य ग्राहक रहेका छन् । प्राधिकरण कार्यालयका अनुसार महसुल नबुझाउने ग्राहकलाई दुई चरणको कारबाही प्रक्रिया सुरु गरिएको छ । पहिलो चरणमा महसुल नतिर्नेलाई कालो सूचीमा राख्ने तथा दोस्रो चरणमा महसुल नतिर्ने ग्राहकको विद्युत् लाइन काट्ने काम सुरु भएको कार्यालय प्रमुख अवधेशकुमार दुबेले बताउनुभयो ।

“महसुुल नबुझाउने ८० भन्दा बढी ग्राहकलाई कालो सूचीमा राखेर सूचना टाँस गर्ने काम भएको छ” उहाँले भन्नुभयो । डेढ दर्जनभन्दा बढी ग्राहकको विद्युत् लाइन काटिसकिएको उहाँले बताउनुभयो ।

ग्राहक र सरकारी कार्यालयले कम्तीमा रु बीस हजारदेखि रु एक लाखसम्म बिद्युत् महसुल तिर्न बाँकी कार्यालयले जनाएको छ ।