आज बिहान नेपाली काँग्रेस, नेकपा (एमाले) र एकीकृत नेकपा माओवादीबीच भएको सहमतिले वैशाख १० गतेपछि नयाँ परिस्थितिको निर्माण हुने विश्वाससमेत उहाँले व्यक्त गर्नुभयो ।

नेपाल विद्यार्थी सङ्घ कञ्चनपुरले आज बिहान कञ्चनपुरको महेन्द्रनगरमा आयोजना गरेको कार्यक्रममा प्रवक्ता बडूले नेपाली काँग्रेस सबैको सहमति र सहकार्यमा नयाँ संविधान निर्माण गर्ने पक्षमा रहेको बताउनुभयो ।

संविधान निर्माणका क्रममा देखिएको मुख्य विवादित विषय सङ्घीयतामा पनि दलहरुबीच छ प्रदेश बनाउने सहमति भइसकेको जानकारी पनि उहाँले दिनुभयो ।

जनतामा अझै पनि संविधान नबन्ने त्रास रहेको बताउँदै नेता बडूले २०७२ सालभित्र नयाँ संविधान जारी हुने दाबीसमेत गर्नुभयो ।