सो गाविस–२ दीपकनगरको कुँवर टोलदेखि वडा नम्बर १ भगवान् नगर चोकसम्म डेढ किलोमिटर लम्बाइ र चार मिटर चौडाइको नयाँ ट्र्याक खोलेर सडकमा ग्राभेल गरिएको हो ।

यस्तै, तीनवटा पक्की कल्भर्ट पनि निर्माण गरिएको सडक निर्माण समितिका अध्यक्ष टकबहादुर थापाले जानकारी दिनुभयो । सडक निर्माण कार्यमा दुई लाख ३९ हजार ३०५ रुपैयाँ खर्च भएको उहाँले बताउनुभयो ।

दीपकनगरको कुँवर टोलदेखि भगवान् नगर जानका लागि सिधा बाटो नभएकाले स्थानीयवासीले आफ्नै सक्रियता र लगानीमा सडक निर्माण गरेका हुन् । सडक निर्माण भएपछि मुख्य सडकसँग सिधा सम्पर्क जोडिएको र यातायातका सवारी साधन पनि टोलमा आउजाउ गर्न सहज भएको स्थानीयवासीले बताएका छन् । सडक निर्माणपछि स्थानीयवासी हर्षित भएको समितिका अध्यक्ष थापाले बताउनुभयो ।