सशस्त्रको गस्ती टोलीले गए राति भद्रपुरस्थित मेची बगरमा गाडिएको अवस्थामा रु एक लाख ७१ हजारको १९० थान कुर्ता सरुवाल, महेशपुर तथा वनियानी क्षेत्रबाट को३प ९०८३ र को३प १०८३ नक्कली नम्बर भएको मोटरसाइकलमा ल्याउँदै गरेको रु ४४ हजारको ८८८ थान ब्लाउजको कपडासहित मोटरसाइकल बरामद गरिएको सशस्त्र प्रहरी सीमा सुरक्षा बल भद्रपुरले जनाएको छ ।

यसैगरी घेराबारी सशस्त्र प्रहरीले मे३प २०२५नम्बरको मोटरसाइकलमा ल्याउँदै गरेको रु एक लाख १८ हजारको ३९ थान कुर्ता सरुवाल, जरर्ती भरेको साडी १३ थानसहित मोटरसाइकल बरामद गरिएको सशस्त्र प्रहरी उपरीक्षक प्रेमराज पोखरेलले बताउनुभयो ।

त्यस्तै, गस्ती टोलीले खुदुनावारी जङ्गलबाट एक भरुवा बन्दुकसहित हरिणको सिङ, छाला गरी आठ किलो मासुसमेत बरामद गरेको बताएको छ ।

सबै सामग्रीलाई सशस्त्र प्रहरीले आज कार्यालयमा पत्रकार समेलन गर्दै सार्वजानिक गरेको हो । बरामद समग्रीमध्ये बन्दुक जिल्ला प्रहरी कार्यालय, मासु वन कार्यालय र बाँकी मेची भन्सार बुझाइने प्रहरी उपरीक्षक पोखरेलले बताउनुभयो ।