इनेप्लिज
२०७२ वैशाख ५ गते १६:०४ मा प्रकाशित
सुरुङ्गा (झापा) ५ वैशाख । जङ्गली हात्तीको आक्रमणबाट उत्तरी झापाको खुदुनावारीमा ७० वर्षीया एक वृद्धाको मृत्यु भएको छ ।
मृत्यु हुनेमा खुदुनावारी–८ निवासी अम्बिका आचार्य रहेको प्रहरी चौकी शनिश्चरेका प्रमुख सार्कीधन राईले जानकारी दिनुभयो । गत विहीबार घर नजिकै रहेको जुकेखाडी सामुदायिक वनमा वस्तु चराउन गएकी आचार्य घर नफर्किएपछि उनको खोजी कार्य तीव्र पारिएको थियो ।
हराएकी आचार्यको खोजी गर्ने क्रममा आज अपराह्न हात्तीले शरीरका विभिन्न भागमा कुल्चिएर मारेको अवस्थामा शव फेला परेको प्रहरी चौकी शनिश्चरेका प्रमुख राईले जानकारी दिनुभयो ।
शवको आज नै मेची अञ्चल अस्पताल भद्रपुरमा परीक्षण गरिएको छ ।
प्रतिक्रिया