बार्सीलोना विजयी

काठमाडौं, ३ बैशाख । युएफा च्याम्पियन्स लिग फुटबल प्रतियोगिता अन्तर्गत गएराती भएका खेलहरुमा बार्सीलोना र एफसी पोर्टो विजयी भएका छन् ।

क्वाटरफाईनल पहिलो लेगको खेलमा स्पेनिस क्लव वार्सीलोनाले फ्रान्सको पेरिस सेन्ट जर्मेन पिएसजीलाई उसैको मैदानमा ३-१ ले हरायो ।

वार्सीलोनाका लागि लुईस सुवारेजले दुई तथा नेईमारले एक गोल गरे । वार्साकै जेरेमी म्याथ्युले एक आत्माघाति गोल गरेपछि पिएसजीले हार अन्तर कम गर्ने मौका पाएको हो ।

गएराती भएको अर्को खेलमा पोर्चुगलको एफ.सी पोर्टोले जर्मनीको बायर्न म्युनिखलाई ३-१ ले पराजित गर्‍यो ।

आफ्नै मैदानमा पोर्टोलाई विजयी गराउन रिकार्डाे करिज्माले दुई तथा ज्याक्सन मार्टीनेजले एक गोल गरे ।

बायर्न म्युनिखका लागि थियागो अल्कान्ताराले एक सान्तोना गोल फर्काए ।

च्याम्पियन्स लिग फुटबल अन्तर्गतका यसअघि सम्पन्न क्वाटरफाईनल खेलहरुमा इटालीको युभेन्टसले फ्रान्सको मोनाकोलाई १-० ले हराँउदा दुई स्पेनिश क्लवहरु एथ्लेटिको मड्रिड र रियाल मड्रिडले गोलरहित बराबरी खेलेका छन् ।