आज अपराह्न संविधानसभा भवनमा सम्पन्न बैठकले सहमतिका निम्ति वार्ताको माध्यमबाट निरन्तर प्रयत्नशील रहँदै संविधाननिर्माणमा संविधानसभाको कामकारबाही अगाडि बढाउन सबैलाई आग्रह गरेको छ ।

बैठकले जाजरकोटमा अज्ञात रोगका कारण भएको जनधनको क्षतिप्रति दुःख प्रकट गर्दै अविलम्ब रोग पहिचान गरी निराकरण गर्न तथा बिरामीको उपचारको प्रबन्ध गर्न सरकारसँग माग गरेको छ । बैठकले ताप्लेजुङ र सप्तरीलगायत देशका विभिन्न भागमा भएका आगलागीमा परी जनधन गुमाएकालाई तत्काल सहयोग गर्न पनि माग गरेको छ ।