रिपोर्टर्स क्लबले आज यहाँ आयोजना गरेको साक्षात्कारमा उहाँहरूले संविधानका विवादित विषयमा अधिकतम सहमति कायम गर्नुपर्ने त्यसो हुन नसके प्रक्रियामा जानुको विकल्प नभएको बताउनुभयो ।

नेपाली काँग्रेसका प्रमुख सचेतक चिनकाजी श्रेष्ठले संविधानका विवादित विषयमध्ये सबैभन्दा पेचिलो बनेको सङ्घीयताका बारेमा दलहरू सहमति नजिक पुगकाले चाँडै सहमति हुने विश्वास व्यक्त गर्नुभयो ।

तीस दलीय मोर्चाले आन्दोलन फिर्ता लिएपछि सहमतिको सम्भावना बढेर गएको उहाँको कथन थियो ।

सद्भावना पार्टीका अध्यक्ष राजेन्द्र महतोले बहुमतीय आधारमा निर्माण गरिएको संविधानले परिवर्तनका मुद्दालाई संस्थागत गर्न नसक्ने भन्दै सम्पूर्ण समुदायको अधिकार सुनिश्चित गरी सहमतिबाटै जारी गर्नुपर्नेमा जोड दिनुभयो ।