सो दुर्घटनामा परी गत साउन महिनामा आएको पहिरो र बाढीले घरबारविहीन भएर सुर्खेतको गल्फा शिविरमा आश्रय लिई बसेका प्रसादी विक, मनबहादुर नेपाली, कृष्ण विक, महेश विक र मानबहादुर शाहीको निधन भएको थियो । प्रधानमन्त्री कोइरालाले आज विज्ञप्तिमार्फत मृतकका परिवारलाई सरकारले यथाशक्य राहत दिलाउने विश्वास दिलाउँदै सम्बन्धित निकायलाई परिचालन गरी त्यस्ता दुर्घटना न्यून गर्नेतर्फ सरकारले आवश्यक कदम चाल्ने उल्लेख गर्नुभएको छ ।

मजदुरका निमित्त कार्यस्थलको सुरक्षित व्यवस्था गर्न नसक्दा नेपालमा बर्सेनि धेरै मजदुरले कामकै सिलसिलामा जीवन गुमाउनुपरेको छ । औद्योगिक, निर्माण, कृषि, पर्यटन, यातायात र उड्डयनलगायत सबै व्यावसायिक क्षेत्रमा व्यवसायजन्य सुरक्षाको वातावरण निर्माण गर्न सरकार प्रयत्नरत रहेको विज्ञप्तिमा जनाइएको छ ।