जिल्ला कृषि विकास कार्यालयबाट युवा लक्ष्यित कार्यक्रम पाएपछि किसान च्याउखेतीतर्फ आकर्षित भएका हुन् । व्यवसायिक च्याउखेती गर्न थालेपछि किसानको जीवनस्तरमा परिवर्तन आएको छ । कृषि कार्यालयमार्फत तालिम र ४० हजार रुपैयाँ सहयोग पाएपछि त्यहाँका ४० भन्दा बढी किसानले व्यावसायिक रुपमै च्याउखेती गरिरहेका छन् ।

“थोरै लगानीमा यथेष्ट आम्दानी भइरहेको छ” महारुद्र गाविस–७ का धना भट्टले भन्नुुभयो । उहाँले प्रतिकिलो रु ३०० देखि रु ३५० सम्ममा च्याउ बिक्री भइरहेको उहाँले बताउनुभयो ।

बजारमा मागअनुसार च्याउको आपूर्ति हुन नसकेको किसानको भनाइ छ । उन्नत तरिका अपनाएर खेती गरिएमा च्याउ उत्पादन यथेष्ट हुने कृषि विकास कार्यालयले जनाएको छ ।