इस्लामिक स्टेटसँग सम्बन्ध भएको आशङ्कामा दश पक्राउ

म्याड्रिड, २५ चैत । स्पेनको उत्तरपूर्वी क्याटलोनिया क्षेत्रमा त्यहाँका प्रहरीले इस्लामिक स्टेट जिहादी आतङ्ककारी समूहको विभिन्न आतङ्ककारी क्रियाकलापमा आबद्ध रहेको आशङ्कमा १० व्यक्तिलाई पक्राउ गरेको छ ।

क्याटलोनिया क्षेत्रीय प्रहरीद्वारा जारी विज्ञप्तिमा क्याटलोनियाको प्रान्तीय राजधानी बार्सेलोनासहित उत्तरपूर्वी पाँच वटा सहरहरुमा ती १० व्यक्ति पक्राउ परेका छन् ।

जिहादीहरुको क्रियाकलापविरुद्ध प्रहरीद्वारा जारी कारबाहीका क्रममा सदिग्ध ती व्यक्तिहरु पक्राउ परेका बताइएको छ ।

हालको वर्षहरुमा स्पेनले दर्जनाँै जिहादी आतङ्ककारीहरुलाई पक्राउ गरेको छ ।

गत हप्ता पनि क्याटलोनियाका प्रहरीले एक परिवारका चार व्यक्तिलाई पक्राउ गरेका थिए ।
तीमध्ये जिहादी लडाकू समूहमा सामेल हुनका लागि १६ वर्षका जुम्ल्याहा केटाहरु सिरियातर्फ जान लागेका बताइएको छ । रासस÷एपी