शुक्रबार, मंसिर १२ २०७७
काठमाडौं २२:४१
वासिङटन डिसी 11:56

गहुँ उत्पादन बढ्ने

इनेप्लिज २०७१ चैत २३ गते ११:१६ मा प्रकाशित

wheatभीमदत्तनगर, २३ चैत । यस वर्ष दार्चुलामा गहुँको उत्पादन १० प्रतिशतले वृद्धि हुने जिल्ला कृषि विकास कार्यालयले जनाएको छ ।

गहुँ छर्ने बेलादेखि समयसमयमा वर्षा भएकाले यस वर्ष गहुँको उत्पादन बढ्ने कार्यालयका कृषि प्रसार अधिकृत इन्द्रसिंह ठगुन्नाले बताउनुभयो ।

विगतका वर्षमा वर्षा नहुने तथा गहुँमा सिन्दुरे रोग लाग्ने गरेकामा यस वर्ष गहँुबालीमा कुनै किसिमको रोग नलागेको उहाँले जानकारी दिनुभयो ।

गत वर्ष जिल्लामा १३ हजार ६९७ मेट्रिकटन गहुँ उत्पादन भएकाको थियो । यस वर्ष १० प्रतिशत वृद्धिले जिल्लाको खाद्य सङ्कट केही मात्रामा भए पनि कम हुने अधिकृत ठगुन्नाको दाबी छ ।

जिल्लाभरि सात हजार ९६५ हेक्टर क्षेत्रफलमा गहुँखेती गरिएकामा उन्नत जातको चार हजार ५०० हेक्टरमा तथा स्थानीय जातको गहुँ तीन हजार ४६५ हेक्टर क्षेत्रफलमा लगाइएको कृषि कार्यालयले जनाएको छ ।

वार्षिक २३ हजार ५७२ मेट्रिकटन खाद्यान्य उत्पादन हुने गरे पनि २६ हजार ८२६ मेट्रिकटन आवश्यक रहेकाले दार्चुला खाद्य असुरक्षित मानिन्छ । अपुग रहेको तीन हजार २५४ मेट्रिकटन खाद्यान्न तराईका जिल्ला तथा छिमेकी मुलुक भारतबाट आयात हुने गरेको छ ।

प्रतिक्रिया