क्रान्तिकारी पत्रकार सङघ, मोरङद्वारा आज विराटनगरमा आयोजित पत्रकार भेटघाटमा उहाँले आन्दोलनको स्वरुप शान्तिपूर्ण हुने बताउनुभयो । आन्दोलनबाहेक अन्य कुनै विकल्प नदेखिएको र यसमा जनताको पनि समर्थन रहने कोषाध्यक्ष गजुरेलले विश्वास व्यक्त गर्नुभयो ।

एमाओवादीलाई चौतर्फी रुपमा घेराबन्दी गरेर कमजोर पार्ने षडयन्त्र भइरहेको उल्लेख गर्दै उहाँले प्रक्रियाको माध्यमबाट संविधान जारी गरियो भने मुलुकमा ठूलो आन्दोलन हुने र मुठभेडको अवस्था सिर्जना हुनेछ भन्नुभयो ।

सङ्घीयतालाई थाती राखेर संविधान निर्माण गर्नुको कुनै औचित्य नरहेको उल्लेख गर्दै कोषाध्यक्ष गजुरेलले सङ्घीयता नभए मुलुक टुक्रिने सम्भावना व्यक्त गर्नुभयो ।