शुक्रबार, मंसिर १२ २०७७
काठमाडौं २२:३०
वासिङटन डिसी 11:45

एमाले नेता ढकालको निधन

इनेप्लिज २०७१ चैत २२ गते ११:०७ मा प्रकाशित

ramnath-dhakalकाठमाडौँ, २२ चैत । स्वाइन फ्लुका कारण अस्वस्थ भई गत साता अस्पताल भर्ना हुनुभएका नेकपा (एमाले)का पोलिटब्युरो सदस्य तथा लुम्बिनी अञ्चल इञ्चार्ज रामनाथ ढकालको आज निधन भएको छ ।

यही चैत १४ गतेदेखि धापासीस्थित गम्भीर अवस्थामा ग्राण्डी अस्पतालमा उपचार गराइरहनुभएका नेता ढकाललाई आज दिउँसो १ः३० बजे चिकित्सकले मृत घोषणा गरेका थिए ।

ढकाललाई चैत १५ गते थप उपचारका लागि एयर एम्बुलेन्सबाट भारतको नयाँदिल्ली लाने तयारी भए पनि मौसमको प्रतिकूलताका कारण यही उपचार गराइएको थियो ।

नेता ढकालप्रति अन्तिम श्रद्धाञ्जलिका लागि उहाँको शवलाई सोमबार बिहान ८ बजे पार्टी केन्द्रीय कार्यालय, बल्खुमा राखिने एमाले केन्द्रीय प्रचार विभागका उपप्रमुख सूर्य थापाले जानकारी दिनुभयो ।

ढकालको दाहसंस्कारको समय र स्थान भने तय भइसकेको छैन । ढकाल अघिल्लो संविधानसभामा राज्य व्यवस्था समितिका सभापति पनि हुनुहुन्थ्यो ।

प्रतिक्रिया