विराटनगरमा राष्ट्रिय स्वास्थ्य शिक्षा सूचना तथा सञ्चार केन्द्रले आयोजना गरेको दुईदिने पत्रकारिता प्रशिक्षण कार्यक्रमको समापनमा मन्त्री अधिकारीले देशलाई धूमपानमुक्त बनाउन सरोकारवाला र सञ्चारकर्मीको सहयोग आवश्यक भएकामा जोड दिनुभयो ।

विदेशी कम्पनीले उत्पादन गरेका सूर्तीजन्य पदार्थको नेपालमा करोडौँको व्यापार भइरहेकाले देश धूमपानमुक्त बनाउन उनीहरुले बाधा हालिरहेको पनि उहाँले खुलासा गर्नुभयो ।

मन्त्री अधिकारीले आगामी वर्षदेखि देशलाई धूमपानमुक्त गराउन कडा अनुगमन गरिने बताउँदै धूमपानमुक्त बनाउने अभियानमा आफू प्रतिबद्ध भएर लागेकाले नै अन्तर्राष्ट्रियस्तरमा सम्मान प्राप्त गर्न सफल भएको बताउनुभयो ।

उहाँले ‘‘नेपालमा बर्सेनी लाखौँ नेपालीले धूमपानकै कारण ज्यान गुमाउनु परिरहेकाले देशलाई धूमपानमुक्त बनाउनुको विकल्प नभएको भन्दै आफू त्यसका लागि निरन्तर लागिरहन्छु’’ भन्नुभयो ।

उक्त पत्रकारिता प्रशिक्षणमा पूर्वाञ्चल क्षेत्रका ४० जना सक्रिय पत्रकार सहभागी थिए ।