गृह जिल्लाको सदरमुकाम तौलिहवामा कपिलवस्तु नागरिक समाजद्वारा आज आयोजित नागरिक अभिनन्दन समारोहलाई सम्बोधन गर्दै उहाँले नेपाल भारत दुवै देशको असल सम्बन्ध कायम गर्न सीमावर्ती क्षेत्रका नागरिक र प्रशासकबीचको आपसी सम्बन्ध पनि बलियो हुनुपर्नेमा जोड दिनुभयो ।

कार्यक्रममा सभासद् सुरेन्द्रराज आचार्यले नेपालको संविधान निर्माण प्रक्रियामा भारतको पनि भूमिका रहने बताउँदै उपाध्यायलाई सकारात्मक राजनीतिक सहयोगका लागि पहल गर्न आग्रह गर्नुभयो ।

कार्यक्रममा सहभागीले सीमा क्षेत्रमा हुने डुबान समस्या, प्राचीन कपिलवस्तुको धार्मिक तथा पर्यटकीय विकास र जिल्लाको शिक्षा तथा स्वास्थ्यका विषयमा पनि भारत सरकारसँग समन्वय गरी सहयोग राशि भित्र्याउन राजदूतसँग आग्रह गरे ।