एमाले अछाम क्षेत्र नं २ कोे तेस्रो क्षेत्रीय अधिवेशन उद्घाटन गर्न अछामको कमल बजार पुग्नुभएका नेता नेपालले संविधान निर्माण प्रक्रियामा सत्तापक्ष हदैसम्म लचिलो भए पनि विपक्षी मोर्चाको ढिपीका कारण संविधान निर्माणको काम पछि परेको बताउनुभयो ।

संविधान निर्माणको विषय सबैको साझा एजेन्डा भएकाले सबै दलले आ–आफ्ना अडानबाट पछि हटेर संविधान निर्माणमा लाग्नुपर्ने उहाँको जोड थियो ।

सञ्चारकर्मीसँगको कुराकानीमा उहाँले विपक्षी मोर्चा संविधान निर्माणमा जिम्मेवार नदेखिए प्रक्रियाबाटै भए पनि जेठ १४ मा संविधान जारी हुने जिकिर गर्नुभयो ।

माघ ८ मा संविधान जारी नहुनुमा पनि विपक्षीको हात रहेको उहाँको आरोप छ । अर्को एक प्रसङ्गमा उहाँले अछाम कला संस्कृतिमा धनी भएकाले अछामीको कला संस्कृतिलाई जोगाउन सबै अछामीले लाग्नुपर्ने बताउनुभयो ।