शुक्रबार, मंसिर १२ २०७७
काठमाडौं ०६:४१
वासिङटन डिसी 19:56

अपाङ्गता भएका व्यक्तिको खोजी

इनेप्लिज २०७१ चैत १९ गते ३:५५ मा प्रकाशित

apangaइलाम, १९ चैत । अपाङ्गता भएका व्यक्तिको पहिचान गरी उनीहरुलाई आवश्यक सहायक सामग्री वितरण गर्ने उद्देश्यले यहाँ अपाङ्गता जाँचबुझ तथा परिचयपत्र वितरण कार्यक्रम सञ्चालन गरिएको छ ।

अपाङ्गता भएका व्यक्तिको लेखाजोखा गर्न करुणा फाउन्डेसनले जिविस, जिल्ला स्वास्थ्य र महिला बालबालिका कार्यालयको सहयोगमा कार्यक्रम सञ्चालन गरेको हो ।

जिल्लाका मावु, माइमझुवा, जमुना, प्याङ, सोयाङ, नामसालिङ, जिर्मले, इरौंटार, समालबुङ, इभाङ, गजुरमुखी र लुम्दे गाविसमा अपाङ्गता भएका व्यक्तिको पहिचान सुरु गरिएको छ ।

अपाङ्गता भएका व्यक्तिको पहिचानपश्चात उनीहरुलाई आवश्यक पर्ने सहायक सामग्री वैशाखी, आँखा, ह्विलचेयर, कानमा लगाउने यन्त्रलगायतका उपकरण वितरण गरिने करुणा फाउन्डेसनका व्यवस्थापक अजित योञ्जनले बताउनुभयो ।

अपाङ्गता भएका व्यक्तिको जीवनस्तरमा सुधार ल्याउने र अपाङ्गता हुनबाटै जोगाउने लक्ष्यका साथ उनीहरुको विवरण लिन रेमो प्रविधि अपनाएको थियो ।

प्रतिक्रिया