गाविसका महिलाको सक्रियतामा सञ्चालित जनआदर्श महिला सहकारी बाबियाचौरले विगत चार वर्षदेखि सञ्चालन गरेको गृहिणी शिक्षा अपेक्षित रुपमा प्रभावकारी हुन नसकेको पाइएको हो ।

जिल्ला शिक्षा कार्यालयसँग समन्वय गरी सहकारीले कक्षा सञ्चालन गरेको भए पनि पछिल्लो समयमा कक्षामा पढ्ने आउने सहभागीको सङ्ख्या कम हुन थालेपछि प्रभावकारी नभएको जिल्ला शिक्षा कार्यालयले जनाएको छ । आधारभूत तहअन्तर्गत अनौपचारिक शिक्षाका रुपमा गृहिणी शिक्षा सुरु गरिएको थियो ।

गृहिणीको समयलाई मध्यनजर गर्दै बिहान र बेलुका दुई÷दुई घन्टाका दरले दिने गरिएको गृहिणी शिक्षालाई वैकल्पिक शिक्षाका रुपमा लिने गरिएको छ । पढ्न आउने सहभागीले नै आफूहरुलाई पढ्नका लागि पर्याप्त समय नहुने बताएपछि बन्द अवस्थामा पुगेको कार्यालयले जानकारी दिएको छ ।

यस वर्ष गृहिणी शिक्षाका लागि नयाँ कोटा नआएको र आगामी वर्ष कोटा आएको खण्डमा सो कक्षा सञ्चालन गर्न सकिने जिल्ला शिक्षा कार्यालयले जनाएको छ ।