नेपाल प्रेस युनियन लम्की शाखाले आज लम्कीमा आयोजना गरेको पत्रकार सम्मेलनमा मन्त्री सिंहले सहमतिका लागि अधिकतम प्रयास भइरहेकाले सहमतिकै आधारमा संविधान जारी हुने उल्लेख गर्नु भयो ।

उहाँले प्रतिपक्षमा रहेका पार्टीहरु वार्तामा आएकाले सहमतिको प्रयास भइरहेको बताउँदै विवादित शासकीय स्वरुप, निर्वाचन प्रणाली, सङ्घीयताका विषयमा छलफल भइरहेको जानकारी दिनुभयो ।
नेपाली काँग्रेसका महामन्त्रीसमेत रहनुभएका उपप्रधान मन्त्री सिंहले सहमतिका माध्यमबाट संविधान जारी नभए प्रक्रियामा गएर भए पनि संविधान जारी गरिने बताउनुभयो ।

पत्रकारको प्रश्नको जवाफमा मन्त्री सिंहले आफू पार्टीको १३औँ महाधिवेशनमा सभापतिको आकांक्षी रहेको खुलासा गर्नुभयो ।