बुधबार, कार्तिक ५ २०७७
काठमाडौं १८:४०
वासिङटन डिसी 08:55

पुस्तकालयलाई पुस्तक हस्तान्तरण

इनेप्लिज २०७१ फागुन २४ गते ४:२९ मा प्रकाशित

libदमक, २४ फागुन । झापाको दमक पब्लिक लाइब्रेरीलाई शनिबार विभिन्न व्यक्तिले २०० भन्दा बढी विभिन्न किसिमका पुस्तक उपलब्ध गराएका छन् ।

नेपाल प्रज्ञा–प्रतिष्ठानका आजीवन सदस्य डा तुलसी भट्टराईको प्रमुख आतिथ्यतामा भएको कार्यक्रममा एमबिबिएस अध्ययनरत दमककी विभूति अधिकारीको समूहले दुई दर्जनभन्दा बढी स्वास्थ्यसम्बन्धी पुस्तक दान गरेको हो । त्यस्तै दमक उद्योग वाणिज्य सङ्घ र साहित्यकार कृष्ण उदासीबाट पनि विभिन्न पुस्तक हस्तान्तरण गरिएको थियो ।

सो अवसरमा डा भट्टराईले पुस्तकालयले युवामा पठन संस्कृतिको विकास गर्ने विश्वास व्यक्त गर्नुभयो । शारीरिक रुपमा अशक्त स्थानीयवासी भेषराज न्यौपानेको सक्रियतामा दमक–१३ मा २०६८ सालमा सो पुस्तकालय स्थापना भएको हो । हालसम्म करिब पाँच हजारभन्दा बढी विभिन्न किसिमका पुस्तक सङ्ग्रह भइसकेको लाइब्रेरीका उपाध्यक्ष जीवन सापकोटाले जानकारी दिनुभयो ।

प्रतिक्रिया