अमेरिकामा तेक्वान्दो खेलाडी खरेललाई स्वर्ण पदक

वाटरफोर्ड,अमेरिका,–मिचिगन राज्यमा हालै सञ्चालन भएको ग्रेट लेक कप तेक्वान्दो प्रतियोगितामा नेपाली खेलाडी विप्लव खरेलले स्वर्ण पदक जितेका छन् । ८ देखि ९ वर्ष समूहको मध्य तौल अन्तर्गत ग्रिन वेल्टाका खरेलले स्वर्ण हात पार्ने क्रममा तीन जना प्रतिस्पर्धीलाई पाखा लगाएका थिए l

यसका साथै उनले जुनियर तौल समूहमा समेत स्वर्ण पदकका साथ च्याम्पियनसिप ट्रफी हात पारेको मिचिनगन वाटरफोर्डमा ज्योती एभरेष्ट तेक्वान्दो स्कूलका लभप्रसाद गोर्खालीले जानकारी गराएका छन् ।खरेललाई उत्कृष्ट खेलाडीको उपाधि पनि प्रदान गरिएको थियो ।

त्यस्तै १५ देखि १७ वर्ष उमेर समूहको व्ल्याक वेल्ट अन्तर्गत भएको स्पर्धामा अमूल गोर्खालीले रजत पदक प्राप्त गरेका थिए ।