आइतबार, कार्तिक १६ २०७७
काठमाडौं ०३:४२
वासिङटन डिसी 17:57

वैशाखभित्र बजेट पेस गर्ने लक्ष्यका साथ तयारी थाल्न अर्थमन्त्रीको निर्देशन

इनेप्लिज २०७१ फागुन २१ गते १०:५४ मा प्रकाशित

ramsaran-mahatकाठमाडौँ, २१ फागुन । अर्थमन्त्री डा रामशरण महतले आगामी आर्थिक वर्षको बजेट वैशाखभित्र पेस गर्ने लक्ष्यका साथ तयारी थाल्न अर्थमन्त्रालयका सम्बद्ध कर्मचारीलाई निर्देशन दिनुभएको छ ।

बजेट महाशाखासहित मन्त्रालयका वरिष्ठ कर्मचारीसँग आज भएको छलफलमा उहाँले विकास निर्माण तथा पूर्वाधारका काम पूरा गर्दै जाने सोचका साथ आगामी आर्थिक वर्षको बजेट निर्माणमा जुट्न निर्देशन दिनुभएको हो ।

उहाँले बजेट निर्माणमा कार्यसूची बनाएरै तयारीका काम अगाडि बढाउनुपर्नेमा जोड दिँदै अर्थमन्त्रीले अन्य मन्त्रालयसँग कार्यक्रम र बजेटको प्रस्ताव माग्न पनि आग्रह गर्नुभयो ।

जथाभावी कार्यक्रमहरु समावेश नगर्न सुझाउँदै उहाँले सम्भाव्यता अध्ययन भइसकेका र कार्यान्वयन गर्न सकिने कार्यक्रम अगाडि बढाउनुपर्ने खाँचो औँल्याउनुभयो । उहाँले भन्नुभयो, “टुक्रे कार्यक्रमहरुलाई बजेटमा धेरै ठाउँ नदिनोेस् ।”

काठमाडौँ र तराईलाई जोड्ने द्रुतमार्गको सम्झौता अगाडि बढाउनुपर्ने तथा विकास निर्माणका लागि छुट्याएको बजेट निकासामा अर्थमन्त्रालयका तर्फबाट कुनै ढिलाइ नगर्न भन्दै खर्च भए÷नभएको निगरानी गर्न सम्बन्धित पदाधिकारीलाई निर्देशन दिनुभएको उक्त मन्त्रालयले जनाएको छ ।

छलफलका क्रममा अर्थसचिव सुमनप्रसाद शर्मा, मन्त्रालयअन्तर्गतका सबै महाशाखाका प्रमुखको सहभागिता रहेको थियो ।

प्रतिक्रिया