इनेप्लिज
२०७१ फागुन २१ गते १०:४२ मा प्रकाशित
सुरुङ्गा (झापा), २१ फागुन । मेची राजमार्गअन्तर्गत झापाको धाइजनमा आज जन्ती बोकेको जिप पल्टिँदा ११ जना घाइते भएका छन् ।
इलामको एकतप्पाबाट बेहुली लिएर मोरङको मधुमल्लातर्फ जाँदै गर्दा मे १ज ५०० नंको जिप अनियन्त्रित भई दुर्घटना भएको जिल्ला ट्राफिक प्रहरी कार्यालय झापाले जनाएको छ । घाइतेमध्ये नौको चारआलीस्थित मनकामना अस्पताल र दुईको कन्काई अस्पताल विर्तामोडमा उपचार भइरहेको प्रहरीले जनाएको छ । जिप र चालकलाई प्रहरी चौकी चारआलीले नियन्त्रणमा लिएको छ ।
प्रतिक्रिया