शुक्रबार, कार्तिक ७ २०७७
काठमाडौं १४:०५
वासिङटन डिसी 04:20

नेपाली कराते टोलीको बिदाइ

इनेप्लिज २०७१ फागुन २० गते १४:१७ मा प्रकाशित

काठमाडौँ, २० फागुन । बेलायतको लन्डनमा हुने ‘युके ओपन सेमिनार’मा सहभागी हुन जाने दुई खेलाडीसहित चार सदस्यीय नेपाली कराते टोलीलाई आज बिदाइ गरियो ।

यही फागनु २३ र २४ गते हुने उक्त गोष्ठीमा सहभागी हुने टोलीलाई सफलताको शुभकामना दिँदै नेपाली काँग्रेसका उपसभापति रामचन्द्र पौडेलले आज यहाँ एक कार्यक्रमबीच बिदाइ गर्नुभयो ।

सहभागी खेलाडीमा विनोद महर्जन र मुकुन्द महर्जन छन् । दुवै राष्ट्रिय कराते खेलाडी हुन् । त्यस्तै प्रशिक्षकमा सोभितराज प्रसाईं हुनुहुन्छ ।

त्यस्तै, टोलीको नेतृत्व पूर्व कराते खेलाडी एवम् राष्ट्रिय खेलकुद परिषद्का पूर्व कोषाध्यक्ष मीनकृष्ण महर्जनले गर्नुहुनेछ । दुई दिनसम्म सञ्चालन हुने उक्त गोष्ठीमा विभिन्न ६० राष्ट्रको सहभागिता रहने राखेपका पूर्व कोषध्यक्ष महर्जनले जानकारी दिनुभयो । उक्त टोली भोलि त्यसतर्फ प्रस्थान गर्नेछन् ।

प्रतिक्रिया