इनेप्लिज
२०७१ फागुन २० गते ३:१६ मा प्रकाशित
रत्ननगर (चितवन), २० फागुन । चितवनको माडीमा आज बिहान निकुञ्जबाट निस्किएको गैँडाले हानेर एक पुरुषको मृत्यु भएको छ ।
बिहान करिव ५ बजे माडी नगरपालिका १० स्थित घाँगर खोला नजिकै गैँडाले हानेर स्थानीय ३५ वर्षीय धनबहादुर कुमालको मृत्युभएको जिल्ला प्रहरी कार्यालय चितवनले जानकारी दिएको छ ।
बिहान नजिकैको गाउँ जीवनपुरबाट घरतर्फ आउने क्रममा बाटोमा गैँडाको आक्रमणबाट गम्भीर घाइते भएका कुमालको उपचारका क्रममा बघौडा अस्पतालमा मृत्युभएको हो ।
यसअघि फागुन ६ गते पनि माडी नगरपालिका वडा नं ५ धोवाहामा गैँडाले हानेर स्थानीय ४५ वर्षीया विफला महतोको मृत्यु भएको थियो ।
प्रतिक्रिया