अनेरास्ववियु क्रान्तिकारी मूल एकाइ समिति रामपुरले आज आयोजना गरेको स्वागत तथा बृहत् सांस्कृतिक कार्यक्रमलाई सम्बोधन गर्दै उहाँले हिजोको आन्दोलनको प्राप्तिलाई धरापमा पार्न खोजिएको छ भन्नुभयो ।

संविधानसभाबाट संविधान बनाउन आफूहरु लागिपरेको भए पनि यसलाई उल्ट्याउन विरोधी तत्वहरु सक्रिय रहेको बताउँदै उहाँले अन्तिम जित आफूहरुकै हुने दावी गर्नुभयो । उहाँले भन्नुभयो, “हामी वार्ताकै पक्षमा छौँ । मलाई विश्वास छ समाधान निस्कन्छ ।”

अहिले अध्यक्ष दाहाल शिवनगरस्थित नारायणी विद्या मन्दिरमा प्रधानमन्त्री सुशील कोइरालासँगै स्वर्ण महोत्सव कार्यक्रममा सरिक हुनुहुन्छ ।