शनिबार, कार्तिक ८ २०७७
काठमाडौं १६:५६
वासिङटन डिसी 07:11

विद्यार्थीको चापले शिक्षकलाई हम्मेहम्मे

इनेप्लिज २०७१ फागुन १९ गते १:३७ मा प्रकाशित

300px-Kanchanpur_district_locationभीमदत्तनगर, १९ फागुन । कञ्चनपुरको रौतेली विचुवा गाविसमा रहेको बैजनाथ निम्नमाध्यमिक विद्यालयमा विद्यार्थीको चापले शिक्षकलाई अध्यापनमै समस्या परिरहेको छ ।

‘एउटै शिक्षकले हप्ता दिनमा ३९ वटा कक्षासम्म अध्यापन गराउनुपरेको छ ।’ रौतेली–विचुवा गाविस–८ भिलमिलामा रहेको सो विद्यालयका शिक्षक भुवनेश्वर ओझाले भन्नुभयो, “एउटै कक्षामा ९४ जना विद्यार्थीसम्म छन् ।”

जिल्लाकै दुर्गम मानिने विद्यालयमा कहिल्यै पनि विद्यार्थीको चाप नघटेको शिक्षक बताउँछन् । करिब ४९१ विद्यार्थी रहेको सो विद्यालयमा आठजना शिक्षक–शिक्षिका छन् । पाँच दरबन्दी र तीन जना राहत शिक्षक रहेको सो विद्यालयसँग अन्य आर्थिक स्रोत नहुँदा निजीस्रोतमा शिक्षक राख्न समस्या भएको विद्यालयले जनाएको छ ।

शिक्षक ओझाले भन्नुभयो, “निजीस्रोतबाट शिक्षक राख्ने हैसियत विद्यालयसित छैन ।”

विद्यालयको भौतिक संरचना प्रर्याप्त भएपनि आवश्यक विद्यार्थीको चापअनुसारको जनशक्ति नरहेको विद्यालयमा सो क्षेत्रका दलित, आदिवासी विद्यार्थीको बाहुल्यता छ ।

प्रतिक्रिया