नेपाल प्रेस युनियन, बाँकेद्वारा आज यहाँ आयोजित पत्रकार भेटघाट कार्यक्रममा उहाँले भन्नुभयो— ‘३० दलीय मोर्चासँग वार्ता हुन्छ, तर वार्तामा बस्न संविधानसभाको कार्यसूची खारेज गर्न सकिँदैन ।’

पत्रकारद्वारा सोधिएको प्रश्नको जवाफमा नेता देउवाले वर्तमान सरकार विघटन नगरेर विपक्षी मोर्चालाई सरकारमा सामेल गराउन सकिन्छ तर त्यसका लागि सहमतिमा आउन जरुरी छ भन्नुभयो ।

नेपाली काँग्रेस जातीय सङ्घीयताको पक्षमा नरहेको स्पष्ट पार्दै उहाँले भन्नुभयो— ‘हामी वार्तामा बसाँै, छलफल गरौँ के कसरी कुरा मिलाउन सकिन्छ मिलाउँला ।’