इनेप्लिज
२०७१ फागुन १८ गते १०:२४ मा प्रकाशित
काठमाडौं, १८ फागुन । छुट्टाछुट्टै दुर्घटनामा सोमबार २ जनाले ज्यान गुमाएका छन् । प्रतिकुल मौसमका कारण दुइ जनाले ज्यान गुमाएका हुन् । मृत्यु हुनेमा काभ्रेपलाञ्चोक जिल्लामा युवकको रहेका छन् ।
काभ्रे जिल्लाको च्यासिङखर्क–१ निवासी २७ वर्षीय फुलमान तामाङको करेन्ट लागी मृत्यु भएको जिल्ला प्रहरी कार्यालय काभ्रेपलाञ्चोकले जनाएको छ ।
प्रहरीका अनुसार करेन्ट लागेर गम्भीर घाइते भएका तामाङलाई उपचारका लागि धुलिखेल अस्पताल ल्याउँदै गर्दा बाटोमै मृत्यु भएको होे ।
यस्तै, झापाको शान्तिनगरमा रुखले किचेर आजै एक महिलाको मृत्यु भएको छ ।
मृत्यु हुनेमा शान्तिनगर–१ निवासी ६५ वर्षीया रुपमणि चापागार्इं रहेको जिल्ला प्रहरी कार्यालयले जनाएको छ । उनलाई घरनजिकै आफ्नै श्रीमान् देवीप्रसाद चापागार्इंले काट्दै गरेको रुख ढलेर किचेको बताइएको छ ।
रुखले किचेर गम्भीर घाइते भएकी चापागाईंको उपचारका लागि बिर्तामोडस्थित स्थानीय अस्पतालमा ल्याउँदै गर्दा बाटामै मृत्यु भएको प्रहरीले जनाएको छ ।
मृतक चापागाईंको शव मेची अञ्चल अस्पताल भद्रपुरमा परीक्षण गरिएको जिल्ला प्रहरी कार्यालयका प्रहरी प्रवक्ता विश्वमणि पोखरेलले जानकारी दिनुभयो ।
प्रतिक्रिया