शनिबार, कार्तिक १५ २०७७
काठमाडौं ०७:२२
वासिङटन डिसी 21:37

आन्दोलन छाडेर बिनासर्त वार्तामा आउन पौडेलको आग्रह

इनेप्लिज २०७१ फागुन १७ गते १४:४६ मा प्रकाशित

ramchandra-paudelदमौली, १७ फागुन । नेपाली काँग्रेसका उपसभापति रामचन्द्र पौडेलले विपक्षीलाई तत्काल आन्दोलन छोडेर बिनासर्त वार्तामा आउन आग्रह गर्नुभएको छ ।

गणेशमान बलिदान अभियानअन्र्तगत तनहुँको सिसाघाटमा आज आयोजित कार्यक्रममा उपसभापति पौडेलले सो आग्रह गर्नुभयो । “आन्दोलन नरोकिएसम्म भएको वार्ताले सार्थक परिणाम नल्याउने भन्दै आन्दोलन छोडेर वार्तामा आउन ३० दलीय मोर्चालाई म यहीँबाट आग्रह गर्दछु”– उपसभापति पौडेलले भन्नुभयो ।

संविधान निर्माणका लागि संविधानसभाबाट प्रक्रिया सुरु भइसकेकाले कुनै पनि हालतमा त्यसलाई खारेज गर्न नसकिने उहाँको भनाइ थियो ।

उपसभापति पौडेलले प्रधानमन्त्री सुशील कोइरालाले वार्ताका लागि दुईपटक आह्वान गरिसकेकाले बाहानाबाजी गरेर आन्दोलनमा होमिनु एमाओवादी र मधेसी मोर्चाको लाचारीपन भएको टिप्पणी गर्नुभयो ।

प्रतिक्रिया