केन्द्रद्वारा आज यहाँ आयोजित पत्रकार सम्मेलनमा प्रतियोगिता यही चैत १९ र २० गते सञ्चालन गरिने आयोजक संस्थाका संयोजक धर्मकुमार श्रेष्ठले जानकारी दिनुभयो ।

प्रतियोगितामा नेपालसहित जापान र भुटानका गरी करिब २५० खेलाडीले विभिन्न आठ स्पर्धामा प्रतिस्पर्धा गर्ने संयोजक श्रेष्ठले बताउनुभयो । त्यस्तै, नेपालबाट झापा, इलाम, सुनसरी, मोरङ, बाँके, कैलाली, कञ्चनपुर, पर्सा नुवाकोट, काभ्रे, काठमाडौँ, ललितपुर, रसुवा र सप्तरीका खेलाडीले प्रतिस्पर्धा गर्नेछन् ।

प्रतियोगितामा पुरुषतर्फ ३० केजी, ३५ केजी, ४० केजी, ४५ केजी, ५० केजी, ५५ केजी र ६० केजी तौल समूहमा प्रतिस्पर्धा हुनेछ भने महिलातर्फ ३२ केजी, ३६ केजी, ४० केजी, ४४ केजी, ४८ केजी, ५२ केजी र ५७ केजी तौलसमूहमा प्रतिस्पर्धा हुनेछ ।

करिब रु आठ लाख ५० हजार खर्च लाग्ने उक्त प्रतियोगितामा प्रथम, दोस्रो र तेस्रो हुने खेलाडीलाई शिल्ड तथा प्रमाणपत्र प्रदान गरिने आयोजकले जनाएका छन् । प्रतियोगिताका खेलहरु काठमाडौँको नयाँपाटीस्थित आयोजककै खेल मैदानमा हुनेछन् ।