शुक्रबार, मंसिर १२ २०७७
काठमाडौं १४:३१
वासिङटन डिसी 03:46

पूर्वी क्षेत्रमा अविरल वर्षाले गर्दा गहुँबालीमा क्षति

इनेप्लिज २०७१ चैत १३ गते ६:१८ मा प्रकाशित

wheatविराटनगर, १३ चैत । मोरङमा अविरल वर्षासँगै परेको असिनाका कारण गहुँबालीको उत्पादनमा प्रतिकूल असर पर्ने देखिएको छ ।

पाक्न लागेका गहुँको उत्पादनमा कमी र बीउका लागि उत्पादन गर्न लागिएका गहुँबाली यतिखेर भिजेपछि प्रतिकूल असर परेको जिल्ला कृषि विकास कार्यालय, मोरङका प्रमुख राजेन्द्र उप्रेतीले जानकारी गराउनुभयो ।

तराईको पूर्वी क्षेत्रमा आज बिहान करिब दुई घन्टा अविरल वर्षाका साथै पातलो असिना परेको छ । यस वर्षाबाट गहुँबालीलाई क्षति पुगे पनि मकै र तरकारी बालीलाई फाइदा पुगेको कार्यालय प्रमुख उप्रेतीले बताउनुभयो ।

सो वर्षाका कारण विराटनगर उपमहानगरपालिकाका सहायक सडकको माथिबाट पानी बगिरहेको छ । चैत महिनाको यो वर्षाले गर्दा आगलागीका घटनामा कमी आउने विश्वास गरिएको छ ।

प्रतिक्रिया