बुधबार, मंसिर १० २०७७
काठमाडौं ०५:०३
वासिङटन डिसी 18:18

एएफसी यु–२३ फुटबलमा नेपालले भोलि अफगानिस्तानसंग खेल्ने

इनेप्लिज २०७१ चैत १० गते १२:०७ मा प्रकाशित

afghanistan-vs-nepalकाठमाडौँ, १० चैत । एएफसी २३ वर्ष मुनि (यु–२३) च्याम्पियनसीप फुटबलको प्रारम्भिक छनोट चरणअन्तर्गत समूह ‘सि’को दोस्रो खेलमा नेपालले भोलि बुधवार अफगानिस्तानको सामना गर्ने भएको छ ।

इरानको राजधानी तेहरानस्थित अजादी रङ्गशालामा हुने सो प्रतियोगितामा नेपालले बुधबार नेपाली समयअनुसार साँझ ६ः१५ बजे अफगानिस्तानको सामना गर्नेछ ।

यसअघि सोमबार भएको उद्घाटन खेलमा नेपालले निकै खराब प्रदर्शन ग¥यो । आयोजक इरानसँग नेपाली युवा टोली ०–५ को फराकिलो गोल अन्तरले पराजित भएको थियो ।

त्यस्तै, सोमबारै भएको पहिलो खेलमा अफगानिस्तानले पनि प्यालेस्टाइनसँग ०–२ गोलअन्तरले हार भोगेको थियो ।

जारी प्रतियोगितामा समूह ‘सि’ मा नै रहेको इरान शीर्षस्थानमा छ भने दोश्रो स्थानमा प्यालेष्टाइन रही समान ३÷३ अङ्क जोडेका छन् ।

राउण्ड रोवीन लिगको आधारमा हुने उक्त प्रतियोगितामा नेपालसहित इरान, साउदी अरेबिया, अफगानिस्तान र प्यालेस्टाइन गरी पाँच राष्ट्रले प्रतिस्पर्धा गर्दैछन् ।

प्रतियोगितामा शीर्षस्थान हासिल गर्ने टोली एएफसी च्याम्पियनसिपको लागि छनोट हुनेछ भने उपबिजेतामध्येबाट उत्कृष्ट घोषित हुने केही टोलीका लागि अघिल्लो चरण प्रवेश गर्ने सम्भावनाको ढोका खुला हुनेछ ।

विभिन्न १० समूहमा विभाजन गरिएको उक्त प्रतियोगितामा शीर्षस्थान हासिल गर्ने १० टोली र उपबिजेतामध्ये उत्कृष्ट पाँच टोली अर्को वर्ष कतारमा हुने एएफसी च्याम्पियनसिपको लागि छनोट हुनेछन् ।

बुधबार नै हुने अर्को खेलमा प्यालेस्टाइनले साविक उपबिजेता साउदी अरेवियाको सामना गर्नेछ ।

प्रतिक्रिया