सोमबार, मंसिर १५ २०७७
काठमाडौं ०२:०५
वासिङटन डिसी 15:20

सक्रिय बन्दै सामुदायिक प्रहरी

इनेप्लिज २०७१ चैत ३ गते ४:३५ मा प्रकाशित

69614_gharbhetभीमदत्तनगर, ३ चैत । सामुदायिक सेवा केन्द्रमा खटिएका प्रहरीले विधालय तथा घरदैलोमा पुगेर विभिन्न जनचेतनामूलक कार्यक्रमलाई सक्रियताका साथ अघि बढाएका छन् ।

सामुदायिक सेवा केन्द्रका प्रहरी नायब निरीक्षक दानसिंह भाटले केही समययता कञ्चनपुरको महेन्द्रनगर नगरक्षेत्र र सुडा गाविसमा गरी ५० भन्दा बढी विधालय तथा क्याम्पसमा लागुऔषध, ट्राफिक नियमलगायत विषयमा जनचेतनामूलक कार्यक्रम गरेको बताउनुभयो ।

“स्कुलमा लिएको कक्षाहरुमा निकै प्रभाव परेको छ”–प्रहरी नायब निरीक्षक भाटले भन्नुभयो । महेन्द्रनगर सेवा केन्द्रको जिम्मेवारी सम्हाल्नुअघि पनि रुकुममा सोही अनुभव गर्नुभएका भाटले महेन्द्रनगरमा पनि सामुदायिक प्रहरी र नागरिकबीच राम्रो समन्वय भइरहेको जानकारी दिनुभयो । “सुरुमा प्रहरी घरमा किन आयो भनेर सर्वसाधारण डराउँथे ” अब यसलाई सहज रुपमा लिन थालिएको छ ।

वि.स.२०५७ मा स्थापना भएको सामुदायिक सेवा केन्द्रले घरदैलो कार्यक्रममा महिला हिंसामा पनि सचेत गर्न थालेपछि नगर क्षेत्रमा त्यसप्रकारका घटनामा पनि कमी आएको छ । अहिले नागरिक हरेक कुरामा निकै सचेत बन्दै गएका छन् ।

महेन्द्रनगरमा झन्डै डेढ सयभन्दा बढी लागुऔषध प्रयोगकर्ता रहेको विगतको प्रहरीको तथ्याङ्कमा केही कम भएको समेत साुमदायिक सेवा केन्द्रले जनाएको छ ।

प्रतिक्रिया