शनिबार, मंसिर २० २०७७
काठमाडौं २३:१०
वासिङटन डिसी 12:25

डोजर दुर्घटनामा दुईको मृत्यु

इनेप्लिज २०७१ चैत १ गते २:५४ मा प्रकाशित

dojarम्याग्दी, १ चैत । पश्चिम निस्कोट गाविसमा मोटरबाटो खन्दै गरेको डोजर शनिबार दुर्घटना हुँदा मृत्यु हुनेको सङ्ख्या दुई पुगेको छ ।

निस्कोट–३ छिसमा मोटरबाटो खन्दै गरेको डोजर सडकबाट करिब ८०० मि तल खस्दा सहयोगी ताकम–७ का कुलबहादुर पुन र निस्कोट–६ का दीपेन्द्र पुनको मृत्यु भएको इलाका प्रहरी कार्यालय दरबाङले जनाएको छ ।

डोजरसँगै खसेर च्यापिएका चालक ताकम–५ का बालकृष्ण खत्री भने गम्भीर घाइते भएको घटनास्थल पुगेका प्रहरी निरीक्षक पूर्णबहादुर थापाले जानकारी दिनुभयो । खुट्टा र टाउकामा गम्भीर चोट लागेका चालक खत्रीलाई मणिपाल शिक्षण अस्पताल पोखरामा उपचार सम्भव नभएपछि थप उपचारका लागि काठमाडौँ लगिएको छ ।

प्रतिक्रिया