बिहीबार, वैशाख ९ २०७८
काठमाडौं ०२:२९
वासिङटन डिसी 16:44

बेलायतको निर्वाचनमा मध्यबामपन्थी दल अगाडि रहेको अभिमत सर्वेक्षणको अनुमान

इनेप्लिज २०७१ फागुन ३० गते १५:३३ मा प्रकाशित

जेरुसेलम, ३० फागुन । इजरायली प्रधानमन्त्री बेन्जामिन नेतान्याहुका लिकुड पार्टीको प्रतिद्वन्द्वी मध्यबामपन्थी दलले आउँदो साता हुने निर्वाचनमा प्रायः स्थानमा विजय हासिल गर्ने अन्तिम अभिमत सर्वेक्षणले देखाएका छन् ।

निजी टेलिभिजन च्यानलले शुक्रबार राती सार्वजनिक गरेका दुई सर्वेक्षणमा जायनिस्ट युनियनले लुकुडभन्दा चार स्थान बढी प्राप्त गर्ने देखाएका छन् ।

च्यानल १० ले गरेको सर्वेक्षणमा लिकुडले २० स्थान प्राप्त गर्ने देखिएको छ भने जायनिस्ट युनियनले २४ स्थान प्राप्त गर्ने देखिएको छ । यसै गरी च्यानल २ ले गरेको सर्वेक्षणमा लिकुडले २२ स्थान प्राप्त गर्ने देखिएको छ भने जायनिस्ट युनियनले २६ स्थान प्राप्त गर्ने देखिएको छ ।

इजरायलमा मार्च १७ मा आम निर्वाचन हुनेभएको छ भने शुक्रबार अभिमत सर्वेक्षण प्रकाशन गर्ने अन्तिम दिन हो ।

यी सर्वेक्षणका नतिजाले अघिल्लो शुक्रबार प्रकाशित नतिजालाई नै उजागर गरेको छ । ती अभिमत सर्वेक्षणमा पनि जायनिस्ट युनियनले लिकुडभन्दा अधिक स्थान प्राप्त गर्ने देखाएका थिए ।

यस सर्वेक्षणमा इजरायलका प्रमुख अरब दलहरूको नयाँ गठबन्धन ज्वाइन्ट लिस्टले तेस्रो स्थान प्राप्त गर्ने र उनीहरूले १३ स्थान प्राप्त गर्ने देखाइएको छ ।

यसै गरी मध्यदक्षिणपन्थी यस एटिडले १२ स्थान प्राप्त गर्ने अनुमान गरिएको छ ।

निर्वाचनमा पछि परेपनि विश्लेषकहरूले जायनिस्ट युनियनका नेता आइज्याक हर्जगले भन्दा प्रधानमन्त्री नेतान्याहुले निर्वाचनपछि गठबन्धनको सरकार गठन गर्ने सम्भावना रहेको बताएका छन् ।

इजरायलमा सबैभन्दा ठूलो दलले नभई संसदीय बहुमत सिर्जना गर्नसक्ने दलका नेताले सरकार बनाउने चलन रहेको छ ।

प्रतिक्रिया