औपचारिक भ्रमणका क्रममा श्रीलङ्का पुग्नुभएका भारतीय प्रधानमन्त्री नरेन्द्र मोदीले श्रीलङ्काली राष्ट्रपति मैत्रीपाला सिरिसेनासँगको भेटवार्तापछि शुक्रबार सो प्रतिक्रिया दिनुभएको हो ।
तमिलहरुले आफ्नो स्वायत्त अधिकारका लागि श्रीलङ्कामा करिब २८ वर्षसम्म युद्ध लडेका थिए । जसका कारण हजारौँ नागरिकको ज्यान गएको थियो ।

सन् २००९ मा श्रीलङ्कामा भएको युद्धका क्रममा तमिलहरुको हार भएपछि उनीहरु हाल त्यहाँ प्रतिबन्धित रहेका छन् ।

भारतीय प्रधानमन्त्री मोदीले भन्नुभयो– तमिलहरुले पनि श्रीलङ्कामा न्यायपूर्ण, समानता, शान्ति र इज्जतका साथ बाच्न पाउनुपर्छ, त्यसैले उनीहरुलाई स्वायत्तता र अधिकार दिनुपर्दछ ।

उहाँले सन् १९८७ मा श्रीलङ्काको संविधानले नै तमिलहरुलाई अधिकार दिएकोले त्यसको सम्मान र पालनाका लागि श्रीलङ्का सरकारसँग आग्रह गर्नुभएको पनि समाचारमा जनाइएको छ ।

उहाँले यस भ्रमणका क्रममा श्रीलङ्काको एक प्रमुख जातीय समूहका रुपमा रहेको तमिलको बाहुल्यता रहेको क्षेत्रको पनि भ्रमण गर्नुहुने समाचारमा जनाइएको छ ।