बुधबार, कार्तिक १२ २०७७
काठमाडौं १३:२५
वासिङटन डिसी 03:40

सपिङ मलमा भएको आगलागीमा एघारको मृत्यु

इनेप्लिज २०७१ फागुन २९ गते १०:४८ मा प्रकाशित

aaglagi1मस्को, २९ फागुन । मस्कोदेखि आठ सय किलोमिटर पूर्वमा रहेको कजान प्रान्तमा अवस्थित एक सपिङ्ग मलमा बुधबार भएको आगलागीमा परी मृत्यु हुने व्यक्तिको सङ्ख्या ११ पुगेको स्थानीय अधिकारीहरुले जनाएका छन् ।

सो घटनामा परी फसेका छ व्यक्तिको शव उद्धारकर्ताहरुले निकालेपछि सो सङ्ख्या ११ पुगेको सङ्कट व्यवस्थापन मन्त्रालयकका प्रवक्ताले रिया नोभोस्ती समाचार समितिलाई जनाएको छ ।
बिहीबार नै सो आगलागाीमा परी एक पुरुष र चार महिलाको मृत्यु भएको जनाइएको थियो । बिहीबार नै उक्त आगलागीमा २५ व्यक्ति बेपत्ता भएको जनाइएको थियो । तर सपिङ मल पूरै ध्वस्त भएको हुनाले जीवित व्यक्तिको उद्धार गर्ने कठिन भएको बताइएको छ ।

सो मलको छाना नै भत्किएर भुइँमा लागेको हुनाले बेपत्ता व्यक्ति त्यहीँ फसेका र जीवितै उद्धारको कम मात्र आशा रहेको सङ्कट व्यवस्थापन मन्त्रालयका निर्देशक भोल्गा पन्सीनले इतार तास समाचार समितिलाई बताउनुभएको थियो ।

सो मलमा बेपत्ता भएका कामदारले हालसम्म आफ्ना आफन्तलाई कुनै सम्पर्क नगरेको पनि उहाँले बताउनुभएको छ ।

उद्धारकर्ताहरुले फसेका व्यक्तिहरुलाई जीवितै उद्धार गर्न नसकेको तर सो भवनको भग्नावशेषबाट एक बिरालो भने जीवितै उद्धार गरेको शुक्रबार जनाइएको छ ।

घटनामा अन्य ५५ जना घाइते भएका जनाएको छ । त्यसैगरी चार हजार स्क्वायर मिटर जमिनमा रहेको सो मल आगलागीबाट किनमेल गर्न आएका ६५० ग्राहकको उद्धार भएको पनि तासले जानकारी दिएको छ ।

यस आगलागीको उद्धार कार्यमा करिब पाँच सय प्रहरी अधिकारी तैनाथ रहेका छन् ।

प्रतिक्रिया