आज यहाँ आयोजित पार्टीको मध्यमाञ्चल क्षेत्रस्तरीय बैठकमा अध्यक्ष थापाले संविधान जारी हुनका लागि अहिले ठूला दलले दलगत स्वार्थ भन्दामाथि उठेर देश र जनताका लागि संवेदनशील हुनुपर्नेमा जोड दिनुभयो ।

उहाँले मुलुकमा स्थानीय निर्वाचन चाँडो हुनसक्ने सङ्केत गर्दै कतिपय गाविसमा पार्टीको इकाइ समिति गठन गर्न बाँकी रहेकामा चिन्ता व्यक्त गर्दै गाउँ तह तथा वडा तहमा सङ्गठन सुदृढ गरी अगाडि बढ्न कार्यकर्तालाई निर्देशन दिनुभयो ।

यसैबीच पार्टी अध्यक्ष थापाले नेकपा (माले)का नेता तिलकबहादुर रिजाललाई टीका लगाई सो पार्टीमा प्रवेश गराउनुभएको थियो ।