बिहीबार, कार्तिक ६ २०७७
काठमाडौं ०३:२८
वासिङटन डिसी 17:43

तीन कर्मचारी घुससहित अख्तियारको नियन्त्रणमा

इनेप्लिज २०७१ फागुन २८ गते १५:०१ मा प्रकाशित

akither-ko-logo1सर्लाही, २८ फागुन । नेपाल विद्युत प्राधिकरण सर्लाहीअन्तर्गत प्रशाखा लालबन्दीमा कार्यरत तीनजना कर्मचारीलाई अख्तियार दुरुपयोग अनुसन्धान आयोगको एक टोलीले रु ६५ हजार घुससहित नियन्त्रणमा लिएको छ ।

आयोगको केन्द्रीय कार्यालय काठमाडौंबाट आएको एक टोलीले आज दिउँसो विद्युत कार्यालयमा छापा मारेर घुससहित कर्मचारी रमाशङ्कर पासवान, आत्माराम ढुङ्गेल र मनोजकुमार सिंहलाई नियन्त्रणमा लिएको हो ।

सर्लाहीको रानीगञ्जस्थित थपलिया राइस मिलका लागि थ्री फेजको विद्युत लाइन जडान गर्न भन्दै लिएको घुस सहित तीनजनालाई पक्राउ गरिएको अख्तियारले जनाएको छ ।

नियन्त्रणमा परेकाहरुविरुद्ध अनुसन्धान भइरहेको अख्तियारले जनाएको छ ।

प्रतिक्रिया