मंगलबार, मंसिर २१ २०७८
काठमाडौं २३:४६
वासिङटन डिसी 13:01

शीर्ष नेताबीचको छलफलमा चाँडै निर्णायक र परिणाममुखी वार्ता गर्ने निष्कर्ष

इनेप्लिज २०७१ फागुन २८ गते ७:५९ मा प्रकाशित

NC and UML Meetingकाठमाडौँ, २८ फागुन । सत्तारुढ दल नेपाली काँग्रेस र नेकपा (एमाले)का शीर्ष नेताबीच आज भएको छलफलमा विपक्षी ३० दलीय मोर्चासँग संविधान निर्माणका विषयमा चाँडै निर्णायक र परिणाममुखी वार्ता गर्ने निष्कर्ष निकालेको छ ।

प्रधानमन्त्री निवास बालुवाटारमा भएको सो छलफलमा यसअघि संविधानका विवादित विषयमा ती दुई दलले अघि सारेका नौ बुँदे प्रस्ताव र गत माघ ५ गते विपक्षीसहित भएको छलफलको विन्दुबाट सहमतिको प्रयास खोज्ने समझदारी भएको एमालेका वरिष्ठ नेता झलनाथ खनालले जानकारी दिनुभयो ।

उहाँले दुई पार्टीबीचको सहयात्रालाई सबल र सुदृढ बनाउँदामात्र संविधान बन्न सक्ने भएकाले आफूहरुको प्रस्तावमा अन्य दलहरुलाई सहमतिमा ल्याउने प्रयास गर्नुपर्नेमा दुई दलको समान मत रहेको बताउनुभयो ।

नेपाली काँग्रेसका प्रवक्ता दीलेन्द्रप्रसाद बडूले वार्ता र संवादलाई सघन बनाई नयाँ साझा अवधारणा बनाउन शान्ति प्रक्रियाका सहभागी दलहरुलाई समेट्न आजै वा भोलिसम्ममा ३० दलीय मोर्चासँग संयुक्त वार्ता गरिने जानकारी दिनुभयो ।

प्रतिक्रिया